上星期快閃香港，飄過香港嘅時光簡直快過光纖，由落機到上返機都唔夠120小時。
今次旋風襲港主要係因為表妹出嫁，兩公婆手拖手出席婚禮😊好數年冇去過飲宴，兼且拖埋意佬出席，感覺挺緊張的。埋到reception, 新娘子姊妹們當然問我姓甚名誰啦，揾到了！「歡迎你哋,意佬&太太」。
「Pardon?! Oh right」一股熱流由耳背湧上眉頭，感覺好像好尷尬，但又覺得幸福到笑咗出嚟，面都紅哂羞死怪。記得當初含羞答答的意佬，食住pizza都唔敢正面望住我，暫眼間，我已正正式式嫁咗俾呢個怕羞鬼～哈。第一次喺公眾場合俾人叫太太，嗰種受寵若驚，簡直好似小學生喺禮堂上台領成績優異獎咁。
身邊朋友都問我「適應婚後生活嗎？」「婚後的生活有咩改變？」坦白講真係唔覺有乜分別，好多情侶由拍拖到結婚，然後說其踏入另一新生活，其實更需要面對同居帶來嘅喜悅同時沖擊。反而我同意佬選擇咗結婚前先同居，所以感覺除了一紙婚書同一只婚戒外，其餘生活細則都近乎同拍拖時一樣。
吖，有！暗地自喜嘅我身份唔同咗，份量重咗，體重...都增加咗🤦🏻♀️，已開始被投訴要減肥，都啱嘅，面豬燈舊肉嘟到頭髮都遮唔哂，要正式開始我嘅非洲餐單啦！
#婚前婚後
#你好太太
#份量vs重量
Search